Event : കേരള സ്റ്ററ്റ് ലൈബ്രറി കൗസില്‍ ഐ.വി.ദാസ് പുരസ്‌കാരം സമ്മാനിച്ചു
Date :2018-10-05 - 2018-12-30
Description : കേരള സ്റ്റേറ്റ് ലൈബ്രറി കൗസില്‍ ഏര്‍പ്പെടുത്തിയ ഐ.വി.ദാസ് സമഗ്രസംഭാവനാ പുരസ്‌കാരം സ്റ്റേറ്റ് പ്രസിഡന്റ് ഡോ.കെ.വി. കുഞ്ഞികൃഷ്ണന്‍, എന്‍.വി.പി. ഉണിത്തിരിക്ക് സമ്മാനിച്ചു. പുരസ്‌കാരത്തുകയായ 50,000 രൂപ എന്‍.വി.പി. ഉണിത്തിരി മുഖ്യമന്ത്രിയുടെ ദുരിതാശ്വാസ നിധിയിലേക്ക് കൈമാറി. സ്റ്റേറ്റ് സെക്രട്ടറി അഡ്വ.പി. അപ്പുക്കുട്ടന്‍, സ്റ്റേറ്റ് എക്‌സി.കമ്മിറ്റി അംഗം കീഴാറ്റൂര്‍ അനിയന്‍, ജില്ല സെക്രട്ടറി പ്രമോദ് ദാസ് തുടങ്ങിയവര്‍ ചടങ്ങില്‍ പങ്കെടുത്തു. സ്റ്റേറ്റ് ലൈബ്രറി കൗസിലും തുഞ്ചത്ത് എഴുത്തച്ഛന്‍ മലയാള സര്‍വകലാശാലയും ചേര്‍ന്ന് നടത്തിയ എഴുത്തിച്ഛന്‍ വിജ്ഞാനീയ പ്രഭാഷണപരമ്പരയോടനുബന്ധിച്ചാണ് പുരസ്‌കാരദാനചടങ്ങ് സംഘടിപ്പിച്ചത്. സെമിനാര്‍ ഡോ.അനില്‍ വള്ളത്തോള്‍ ഉല്‍ഘാടനം ചെയ്തു. പ്രഭാഷണപരമ്പരക്ക് സാഹിത്യകാരന്‍ സി. രാധാകൃഷ്ണന്‍ തുടക്കമിട്ടു.
Download : Attachment 1  

Event : മുഖ്യമന്ത്രിയുടെ ദുരിതാശ്വാസനിധിയിലേക്ക് 2.27 കോടി രൂപയുടെ ചെക്ക് സ്റ്റേറ്റ് ലൈബ്രറി കൗണ്‍സില്‍ കൈമാറി
Date :2018-10-01 - 2018-12-31
Description : പ്രളയം തകര്‍ത്ത കേരളത്തിനെ പുനര്‍ നിര്‍മ്മിക്കാനുള്ള സംസ്ഥാന സര്‍ക്കാരിന്റെ ശ്രമങ്ങള്‍ക്ക് കൈത്താങ്ങായി സംസ്ഥാന ലൈബ്രറി കൗണ്‍സില്‍ ഗ്രന്ഥശാല അംഗങ്ങളില്‍ നിന്നും അഭ്യുദയകാംഷികളില്‍ നിന്നും മുഖ്യമന്ത്രിയുടെ ദുരിതാശ്വാസ നിധിയിലേക്ക് ധനസമാഹരണം നടത്തി. ആദ്യഗഡുവായ 2,26,53,578/-രൂപ (രണ്ട് കോടി ഇരുപത്തിയാറ് ലക്ഷത്തി അമ്പത്തി മൂന്നായിരത്തി അഞ്ഞൂറ്റി എഴുപത്തിയെട്ട് രൂപാ മാത്രം) മുഖ്യമന്ത്രി പിണറായി വിജയന് സ്റ്റേറ്റ് ലൈബ്രറി കൗണ്‍സില്‍ സെക്രട്ടറി അഡ്വ. പി. അപ്പുക്കുട്ടന്‍, പ്രസിഡന്റ് ഡോ.കെ.വി. കുഞ്ഞികൃഷ്ണന്‍ എന്നിവര്‍ കൈമാറി. ലൈബ്രറി കൗണ്‍സില്‍ സംസ്ഥാന ജില്ലാ - താലൂക്ക് ഭാരവാഹികളുടെ ഒരു മാസത്തെ അലവന്‍സും, സംസ്ഥാന ജില്ലാ - താലൂക്ക് എക്‌സിക്യൂട്ടീവ് കമ്മിറ്റി അംഗങ്ങളുടെ ഒരു യോഗത്തിന്റെ സിറ്റിംഗ് ഫീസും, കൗണ്‍സില്‍ ജീവനക്കാരുടെ ഒരു മാസത്തെ ശമ്പളവും സമാഹരിച്ചു. ഇതു കൂടാതെ മുഖ്യമന്ത്രിയുടെ ദുരിതാശ്വാസ നിധിയിലേയ്ക്ക് സ്റ്റേറ്റ് ലൈബ്രറി കൗണ്‍സില്‍ വ്യക്തികളില്‍ നിന്നും ഗ്രന്ഥശാലകളില്‍ നിന്നും ശേഖരിച്ച 18,29,758/-രൂപ (പതിനെട്ട് ലക്ഷത്തി ഇരുപത്തൊമ്പതിനായിരത്തി എഴുന്നൂറ്റി അമ്പത്തിയെട്ട് രൂപ മാത്രം) രൂപയുടെ ചെക്കും നേരിട്ട് ഫണ്ടില്‍ നിക്ഷേപിച്ചിട്ടുണ്ട്.
Download : Attachment 1  

Event : KSLC ലൈബ്രറി സയന്‍സ് സര്‍ട്ടിഫിക്കറ്റ് കോഴ്സ് പരീക്ഷാഫലം പ്രഖ്യാപിച്ചു, വിശദാംശങ്ങള്‍ ഇവന്റ്‌സില്‍ ലഭ്യമാണ്‌.
Date :2018-11-27 - 2019-01-27
Description : സര്‍ട്ടിഫിക്കറ്റ് കോഴ്സ് പരീക്ഷാഫലം 2018
Download : Attachment 1  

Event : കേരള സ്റ്റേറ്റ് ലൈബ്രറി കൗണ്‍സില്‍2018-19 വര്‍ഷത്തെ വിവിധ പുരസ്കാരങ്ങക്ക് അപേക്ഷ ക്ഷണിച്ചു, അപേക്ഷാ ഫോം ഡൗണ്‍ലോഡ്‌സ്‌ ടാബില്‍ ലഭ്യമാണ്
Date :2018-11-13 - 2019-03-31
Description : പുരസ്‌കാരം 2018-19

Event : ആർ.ആർ.ആർ.എൽ.എഫ്. ഗ്രന്ഥശാലാ വിവരേശേഖരണത്തിനുളള ചോദ്യാവലി ഡൗൺലോഡ്സ് ലിങ്കിൽ ലഭ്യമാണ്.
Date :2018-09-07 - 2018-11-07
Description : ആർ.ആർ.ആർ.എൽ.എഫ്.

Event : കേരള സ്റ്റേറ്റ് ലൈബ്രറി കൗണ്‍സില്‍ ഹയര്‍ സെക്കന്ററി തലവായനമല്‍സരത്തില്‍ അമിത്ത് ടോം ജോസിന് ഒന്നാം സ്ഥാനം
Date :2019-01-17 - 2019-03-31
Description : കേരള സ്റ്റേറ്റ് ലൈബ്രറി കൗണ്‍സില്‍, ഹയര്‍സെക്കന്ററി വിദ്യാര്‍ഥികള്‍ക്കായി സംഘടിപ്പിച്ച സംസ്ഥാനതല വായനമല്‍സരത്തില്‍ മലപ്പുറം ജില്ലയെ പ്രതിനിധീകരിച്ച അമിത്ത് ടോം ജോസ് ഒന്നാം സ്ഥാനവും (കോട്ടക്കല്‍ ഗവ.രാജാസ് എച്ച്.എസ്.എസ്., മലപ്പുറം) കാസര്‍കോട് ജില്ലയെ പ്രതിനിധീകരിച്ച ആര്‍. ഗൗരിപ്രിയ രണ്ടാം സ്ഥാനവും (രാജാസ് എച്ച്.എസ്.എസ്., നീലേശ്വരം) കോഴിക്കോട് ജില്ലയെ പ്രതിനിധീകരിച്ച എ.എന്‍. ഫിദ സാനിയ മൂന്നാം സ്ഥാനവും (നൊച്ചാട് എച്ച്.എസ്.എസ്. കോഴിക്കോട്) നേടി. ഒന്നാം സ്ഥാനം ലഭിച്ച വിദ്യാര്‍ഥിക്ക് 15,000 രൂപയും ശില്‍പവും പ്രശസ്തിപത്രവും രണ്ടം സ്ഥാനം ലഭിച്ച വിദ്യാര്‍ഥിക്ക് 10,000 രൂപയും ശില്‍പവും പ്രശസ്തിപത്രവും മൂന്നാം സ്ഥാനം ലഭിച്ച വിദ്യാര്‍ഥിക്ക് 8,000 രൂപയും ശില്‍പവും പ്രശസ്തിപത്രവും സമ്മാനിച്ചു. ഹയര്‍സെക്കന്ററി വിദ്യാര്‍ഥികള്‍ക്കായി സംഘടിപ്പിച്ച സംസ്ഥാനതല വായനമല്‍സരം ഡോ.കെ.എസ്. രവികുമാര്‍ ഉല്‍ഘാടനം ചെയ്തു. കേരള സ്റ്റേറ്റ് ലൈബ്രറി കൗണ്‍സില്‍ പ്രസിഡന്റ് ഡോ.കെ.വി. കുഞ്ഞികൃഷ്ണന്‍ അധ്യക്ഷനായിരുന്നു. സ്റ്റേറ്റ് ലൈബ്രറി കൗണ്‍സില്‍ സെക്രട്ടറി അഡ്വ. പി. അപ്പുക്കുട്ടന്‍, ഡോ.എം.എ. സിദ്ദീഖ് എന്നിവര്‍ സംസാരിച്ചു. വായനമല്‍സരത്തോടുചേര്‍ന്നു നടന്ന സര്‍ഗസംവാദത്തില്‍ കുരീപ്പുഴ ശ്രീകുമാര്‍ കുട്ടികളുമായി സംവദിച്ചു. ലൈബ്രറി കൗണ്‍സില്‍ വൈസ് പ്രസിഡന്റ് ചവറ കെ.എസ്. പിള്ള മോഡറേറ്ററായിരുന്നു. സമാപന സമ്മേളനത്തില്‍ ഡോ.കെ.വി. കുഞ്ഞികൃഷ്ണന്‍ വിജയികള്‍ക്ക് സമ്മാനം നല്‍കി. കേരള സ്റ്റേറ്റ് ലൈബ്രറി കൗണ്‍സില്‍ എക്‌സിക്യൂട്ടീവ് അംഗം സുനില്‍ ലാലൂര്‍, എസ്.ആര്‍. ജയശ്രീ, ഡി. യേശുദാസ്, അഡ്മിനിസ്‌ട്രേറ്റീവ് ഓഫീസര്‍ ജോജു ടി. ജോണ്‍, ഡെവലപ്‌മെന്റ് ഓഫീസര്‍ കെ.പി. സതീഷ് കുമാര്‍ എന്നിവര്‍ സംസാരിച്ചു. 14 ജില്ലകളില്‍ നിന്നും ഒന്നും രണ്ടും സ്ഥാനം നേടിയ 28 കുട്ടികളാണ് ഹയര്‍സെക്കന്ററി വിഭാഗത്തില്‍ പങ്കെടുത്തത്. വായനമല്‍സരത്തിനായി പുസ്തകങ്ങള്‍ നേരത്തെ നിര്‍ദേശിച്ചിരുന്നു.
Download : Attachment 1   Attachment 2  

Event : അഖിലകേരള വായനോത്സവം - 2018 പി. ജെ. രേവതിയ്ക്ക്് ഒന്നാം സ്ഥാനം
Date :2018-11-15 - 2019-01-31
Description : കേരള സ്റ്റേറ്റ് ലൈബ്രറി കൗണ്‍സില്‍ ഹൈസ്‌കൂള്‍ വിദ്യാര്‍ഥികള്‍ക്കായി സംഘടിപ്പിച്ച അഖിലകേരള വായനോത്സവം 2018 ന്റെ സംസ്ഥാനതല മത്സരത്തില്‍ പാലക്കാട് ജില്ലയിലെ ജി.വി.ജി.എച്ച്.എസ്.എസ്. സ്‌കൂളിലെ രേവതി പി. ജെ. ഒന്നാം സ്ഥാനത്തെത്തി. 15,000- രൂപയും വെങ്കല ശില്‍പവും പ്രശസ്തിപത്രവും 1,500- രൂപയുടെ ജയശങ്കര്‍ സ്മാരക ക്യാഷ് അവാര്‍ഡുംലഭിച്ചു. രേവതി പി.ജെ. പഠിക്കുന്ന സ്‌കൂളിന് ജയശങ്കര്‍ സ്മാരക റോളിങ് ട്രോഫി സമ്മാനിച്ചു. മലപ്പുറം എം.എസ്.പി.ഹയര്‍ സെക്കന്ററി സ്‌കൂളിലെ ഫവാസ് കെ. രണ്ടാം സ്ഥാനം നേടി 10,000-രൂപയ്ക്കും വെങ്കല ശില്‍പത്തിനും പ്രശസ്തിപത്രത്തിനും അര്‍ഹനായി. കണ്ണൂര്‍ ജില്ലയെ പ്രതിനിധീകരിച്ച മമ്പറം ഹയര്‍ സെക്കന്ററി സ്‌കൂളിലെ ഗീതു പ്രകാശ് മൂന്നാം സ്ഥാനം നേടി 8,000-രൂപയ്ക്കും വെങ്കല ശില്പത്തിനും പ്രശസ്തി പത്രത്തിനും അര്‍ഹയായി. നവംബര്‍ 10, 11 തീയതികളിലായി തിരുവനന്തപുരം തൈയ്ക്കാട് ഭാരത് ഭവനിലാണ് അഖിലകേരള വായനോത്സവം 2018 സംഘടിപ്പിച്ചത്. സംസ്ഥാനതല മത്സരത്തിലെ വിജയികള്‍ക്ക് സ്റ്റേറ്റ് ലൈബ്രറി കൗണ്‍സില്‍ പ്രസിഡന്റ് ഡോ.കെ.വി. കുഞ്ഞികൃഷ്ണന്‍ സമ്മാനങ്ങള്‍ വിതരണം ചെയ്തു. സമാപന സമ്മേളനത്തില്‍ സ്റ്റേറ്റ് ലൈബ്രറി കൗണ്‍സില്‍ സെക്രട്ടറി അഡ്വ.പി. അപ്പുക്കുട്ടന്‍, സ്റ്റേറ്റ് ലൈബ്രറി കൗണ്‍സില്‍ വൈസ് പ്രസിഡന്റ് ചവറ കെ.എസ്. പിള്ള ജില്ലാ ലൈബ്രറി കൗണ്‍സില്‍ പ്രസിഡന്റ് വി.കെ. മധു, ജില്ലാ ജോ. സെക്രട്ടറി എ.പി. സുനില്‍ കുമാര്‍, അഡ്മിനിസ്‌ട്രേറ്റീവ് ഓഫീസര്‍ ജോജു ടി. ജോണ്‍ എിവര്‍ സംസാരിച്ചു.ഉച്ചയ്ക്ക് ഏഴാച്ചേരി രാമചന്ദ്രനുമായി കുട്ടികളുടെ സര്‍ഗ സംവാദം നടന്നു. സ്റ്റേറ്റ് ലൈബ്രറി കൗസില്‍ വൈസ് പ്രസിഡന്റ് ചവറ കെ.എസ്. പിള്ള മോഡറേറ്ററായിരുന്നു. 2018 നവംബര്‍ 10-ാം തീയതി പൊതു വിദ്യാഭ്യാസ ഡയറക്ടര്‍ കെ.വി. മോഹന്‍ കുമാര്‍ ഐ.എ.എസ്. നിര്‍വഹിച്ചു. സ്റ്റേറ്റ് ലൈബ്രറി കൗണ്‍സില്‍ സെക്രട്ടറി അഡ്വ. പി. അപ്പുക്കുട്ടന്‍ അധ്യക്ഷനായിരുന്നു. സ്റ്റേറ്റ് എക്‌സിക്യൂട്ടീവ് കമ്മിറ്റി അംഗം എസ്. രമേശന്‍ ആശംസാപ്രസംഗം നടത്തി. സ്റ്റേറ്റ് ജോയിന്റ് സെക്രട്ടറി എന്‍. എസ്. വിനോദ് സ്വാഗതവും ജില്ലാ ലൈബ്രറി കൗണ്‍സില്‍ സെക്രട്ടറി പി. കെ. രാജ്‌മോഹന്‍ നന്ദിയും പറഞ്ഞു.അഖില കേരള വായനോത്സവം 2018 ന് കേരള യൂണിവേഴ്‌സിറ്റി ലൈബ്രറി & ഇന്‍ഫര്‍മേഷന്‍ സയന്‍സ് ഡയറക്ടര്‍ ഡോ.കെ.പി. വിജയകുമാര്‍, കാലടി സര്‍വകലാശാല പ്രോ വൈസ്ചാന്‍സലര്‍ ഡോ. കെ. എസ്. രവികുമാര്‍, എസ്. രമേശന്‍, നോവലിസ്റ്റ് പി.വി.കെ. പനയാല്‍ എന്നിവര്‍ നേതൃത്വം നല്‍കി. മധു മുരളീകൃഷ്ണന്‍ ക്വിസ് മല്‍സരത്തിന് നേതൃത്വം നല്‍കി. സ്‌കൂള്‍, താലൂക്ക്, ജില്ല, സംസ്ഥാനം എന്നീ നാലുതലങ്ങളിലായാണ് അഖിലകേരള വായനോത്സവം നടന്നത്. സ്‌കൂള്‍തലം 2018 ജൂലൈ 5 നും താലൂക്ക്തലം ആഗസ്റ്റ് 5 നും ജില്ലാതലം ഒക്‌ടോബര്‍ 14 നും നടന്നു. ജില്ലാതല മത്സരത്തില്‍ ഒന്നാം സ്ഥാനത്തെത്തിയ 14 കുട്ടികളാണ് സംസ്ഥാനതല വായനോത്സവത്തില്‍ പങ്കെടുത്തത്. എഴുത്തുപരീക്ഷ, വാചാ പരീക്ഷ, ജനറല്‍ ക്വിസ് എിങ്ങനെ മൂന്ന് റൗണ്ട് മത്സരങ്ങളാണ് സംസ്ഥാനതല വായനോത്സവത്തിലുണ്ടായിരുന്നത്. എഴുത്തു പരീക്ഷയും വാചാ പരീക്ഷയും വായനോത്സവത്തിനായി പ്രഖ്യാപിച്ചിരുന്നു, ചോദ്യങ്ങള്‍ 12 പുസ്തകങ്ങളെയും ഗ്രന്ഥാലോകത്തിന്റെ 2017 ഫെബ്രുവരി, ഏപ്രില്‍ ലക്കങ്ങളെയും അടിസ്ഥാനമാക്കിയുള്ളതായിരൂന്നു.
Download : Attachment 1   Attachment 2  

Event : കേരള സ്റ്റേറ്റ് ലൈബ്രറി കൗണ്‍സില്‍ കോളെജ് തല വായനമല്‍സരത്തില്‍ ശരത് എക്ക് ഒന്നാം സ്ഥാനം
Date :2019-01-14 - 2019-03-31
Description : കേരള സ്റ്റേറ്റ് ലൈബ്രറി കൗണ്‍സില്‍, കോളെജ് വിദ്യാര്‍ഥികള്‍ക്കായി സംഘടിപ്പിച്ച സംസ്ഥാനതല വായനമല്‍സരത്തില്‍ കാസര്‍കോട് ജില്ലയെ പ്രതിനിധീകരിച്ച ശരത് എ ക്ക് ഒന്നാം സ്ഥാനവും (നെഹ്‌റു ആട്‌സ് ്& സയന്‍സ് കോളെജ്, കാസര്‍കോട്) കോഴിക്കോട് ജില്ലയെ പ്രതിനിധീകരിച്ച ആര്യ ജി രണ്ടാം സ്ഥാനവും (ശ്രീനാരായണ ഗുരു കോളെജ്, ചേലന്നൂര്‍) മലപ്പുറം ജില്ലയെ പ്രതിനിധീകരിച്ച അസ്ഹറുദ്ദീന്‍ പി. മൂന്നാം സ്ഥാനവും (സെന്റ് മേരീസ് കോളെജ്, പുത്തനങ്ങാടി)നേടി. ഒന്നാം സ്ഥാനം ലഭിച്ച വിദ്യാര്‍ഥിക്ക് 15,000 രൂപയും ശില്‍പവും പ്രശസ്തിപത്രവും രണ്ടാം സ്ഥാനം ലഭിച്ച വിദ്യാര്‍ഥിക്ക് 10,000 രൂപയും ശില്‍പവും പ്രശസ്തിപത്രവും മൂന്നാം സ്ഥാനം ലഭിച്ച വിദ്യാര്‍ഥിക്ക് 8,000 രൂപയും ശില്‍പവും പ്രശസ്തിപത്രവും സമ്മാനിച്ചു. കോളജ് വിദ്യാര്‍ഥികള്‍ക്കായി സംഘടിപ്പിച്ച സംസ്ഥാനതല വായനമല്‍സരം പിരപ്പന്‍കോട് മുരളി ഉല്‍ഘാടനം ചെയ്തു. കേരള സ്റ്റേറ്റ് ലൈബ്രറി കൗണ്‍സില്‍ പ്രസിഡന്റ് ഡോ.കെ.വി. കുഞ്ഞികൃഷ്ണന്‍ അധ്യക്ഷനായിരുന്നു. സ്റ്റേറ്റ് ലൈബ്രറി കൗണ്‍സില്‍ സെക്രട്ടറി അഡ്വ.പി. അപ്പുക്കുട്ടന്‍, ജില്ലാ ലൈബ്രറി കൗണ്‍സില്‍ സെക്രട്ടറി പി.കെ. രാജ്‌മോഹന്‍, ഡോ.എം.എ. സിദ്ദിഖ് എന്നിവര്‍ സംസാരിച്ചു. വായനമല്‍സരത്തോടുചേര്‍ന്നു നടന്ന സര്‍ഗസംവാദത്തില്‍ കെ.വി. മോഹന്‍കുമാര്‍ കുട്ടികളുമായി സംവദിച്ചു. എസ്. രമേശന്‍ മോഡറേറ്ററായിരുന്നു. സമാപന സമ്മേളനത്തില്‍ ഡോ. കെ.വി. കുഞ്ഞികൃഷ്ണന്‍ വിജയികള്‍ക്ക് സമ്മാനം നല്‍കി. ജില്ലാ ലൈബ്രറി കൗണ്‍സില്‍ ജോ. സെക്രട്ടറി എ.പി. സുനില്‍കുമാര്‍, ഡോ.കെ. എസ്. രവികുമാര്‍ എന്നിവര്‍ സംസാരിച്ചു. 14 ജില്ലകളില്‍ നിന്നും ഒന്നും രണ്ടും സ്ഥാനം നേടിയ 28 കുട്ടികളാണ് ഓരോ വിഭാഗത്തിലും പങ്കെടുക്കുന്നത്. വായനമല്‍സരത്തിനായി പുസ്തകങ്ങള്‍ നേരത്തേ നിര്‍ദേശിച്ചിരുന്നു
Download : Attachment 1